You are here: Home // News // ਤੀਜੇ ਮੋਰਚੇ ਦੀ ਸਰਕਾਰ ਬਣਨ ‘ਤੇ ਤਰੱਕੀ ਦਾ ਮੂੰਹ ਮਾਝੇ ਦੇ ਸਰਹੱਦੀ ਖੇਤਰ ਵਲੋਂ ਖੋਲ੍ਹਾਂਗੇ : ਮਨਪ੍ਰੀਤ ਬਾਦਲ

ਤੀਜੇ ਮੋਰਚੇ ਦੀ ਸਰਕਾਰ ਬਣਨ ‘ਤੇ ਤਰੱਕੀ ਦਾ ਮੂੰਹ ਮਾਝੇ ਦੇ ਸਰਹੱਦੀ ਖੇਤਰ ਵਲੋਂ ਖੋਲ੍ਹਾਂਗੇ : ਮਨਪ੍ਰੀਤ ਬਾਦਲ

 

ਭਿਖੀਵਿੰਡ, 23 ਦਸੰਬਰ (ਅਮਨ, ਸੁਖਚੈਨ, ਰਾਜੀਵ, ਬੱਬੂ)- ਅੱਜ ਤੋਂ ਪੂਰੇ ਦੋ ਮਹੀਨਿਆਂ ਬਾਅਦ ਪੰਜਾਬ ਦੀ ਤਰੱਕੀ ਦਾ ਰਾਹ ਕੰਢਿਆਂ ਵਾਲੀ ਤਾਰ ਤੋਂ ਖੋਲ੍ਹਾਂਗੇ ਅਤੇ ਪਾਣੀ ਪੱਛਾ ਵਗੇਗਾ ਤੇ ਮੈਂ ਤੁਹਾਡੇ ਨਾਲ ਇਹ ਵਾਅਦਾ ਵੀ ਕਰਕੇ ਚੱਲਿਆਂ ਹਾਂ ਕਿ ਜਦੋਂ ਵੀ ਕੋਈ ਸਰਕਾਰ ਬਣਦੀ ਹੈ ਤਾਂ ਪੰਜਾਬ ਦੀ ਤਰੱਕੀ ਦਾ ਮੂੰਹ ਚੰਡੀਗੜ੍ਹ ਤੋਂ ਖੁੱਲ੍ਹਦਾ ਹੈ ਪਰ ਤੀਜੇ ਮੋਰਚੇ ਦੀ ਸਰਕਾਰ ਬਣਨ ਉਪਰੰਤ ਮਾਝੇ ਦੇ ਸਰਹੱਦੀ ਖੇਤਰ ਤੋਂ ਵਿਕਾਸ ਸ਼ੁਰੂ ਹੋਵੇਗਾ। ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਪੀਪਲਜ਼ ਪਾਰਟੀ ਆਫ ਪੰਜਾਬ ਦੇ ਪ੍ਰਧਾਨ ਮਨਪ੍ਰੀਤ ਸਿੰਘ ਬਾਦਲ ਨੇ ਅੱਜ ਵਿਧਾਨ ਸਭਾ ਹਲਕਾ ਖੇਮਕਰਨ ਦੇ ਕਸਬਾ ਭਿਖੀਵਿੰਡ ਵਿਖੇ ਈਸਾਈ ਭਾਈਚਾਰੇ ਵਲੋਂ ਮਨਾਏ ਗਏ ਵੱਡੇ ਦਿਨ ਮੌਕੇ ਲੋਕਾਂ ਦੇ ਭਰਵੇਂ ਇਕੱਠ ਨੂੰ ਸੰਬੋਧਨ ਕਰਦਿਆਂ ਕੀਤਾ। ਇਸ ਮੌਕੇ ਉਨ੍ਹਾਂ ਨੇ ਕਿਹਾ ਕਿ ਸਰਕਾਰ ਬਣਨ ਉਪਰੰਤ ਇਸ ਰਿਸ਼ਵਤਖੋਰੀ ਨੂੰ ਈਮਾਨਦਾਰੀ ਵਿਚ ਬਦਲਾਂਗੇ। ਅੱਜ 64 ਸਾਲ ਬੀਤ ਜਾਣ ਦੇ ਬਾਵਜੂਦ ਵੀ ਬਾਰਡਰ ਦੇ ਲੋਕਾਂ ਦੀ ਗੁਲਾਮੀ ਖਤਮ ਨਹੀਂ ਹੋਈ ਪਰ ਇਸ ਮਿੱਟੀ ਵਿਚ ਸਾਡੇ ਬਜ਼ੁਰਗਾਂ ਦਾ ਖੂਨ ਹੈ, ਉਨ੍ਹਾਂ ਕਿਹਾ ਕਿ ਮਨਪ੍ਰੀਤ ਸਿੰਘ ਬਾਦਲ ਦੀ ਕੋਈ ਦੋਸਤੀ ਅਤੇ ਰਿਸ਼ਤੇਦਾਰੀ, ਧੜਾ ਅਤੇ ਬਰਾਦਰੀ ਨਹੀਂ ਹੈ।
 

ਇਸ ਧਰਤੀ ਦੀ ਮਿੱਟੀ ਹੀ ਮੇਰੀ ਬਰਾਦਰੀ ਹੈ ਰਿਸ਼ਤੇਦਾਰੀਆਂ ਅਤੇ ਦੋਸਤੀ ਹੈ। ਮੈਂ ਤੁਹਾਡੇ ਨਾਲ ਵਾਅਦਾ ਕਰਦਾ ਹਾਂ ਕਿ ਜਿੰਨਾ ਚਿਰ ਮੇਰੀ ਜਾਨ ਵਿਚ ਜਾਨ ਹੈ, ਇਸ ਮਿੱਟੀ ਨਾਲ ਮੈਂ ਬੇਵਫਾਈ ਨਹੀਂ ਕਰਾਂਗਾ। ਇਸ ਮੌਕੇ ਹਲਕਾ ਖੇਮਕਰਨ ਤੋਂ ਪੀਪਲਜ਼ ਪਾਰਟੀ ਦੇ ਜਨਰਲ ਸਕੱਤਰ ਜਥੇਦਾਰ ਸਰਵਨ ਸਿੰਘ ਧੁੰਨ ਨੇ ਵੀ ਪਾਰਟੀ ਵਰਕਰਾਂ ਨੂੰ ਲਾਮਬੰਦ ਹੋਣ ਦਾ ਸੱਦਾ ਦਿੱਤਾ। ਇਸਾਈ ਭਾਈਚਾਰੇ ਵਲੋਂ ਵਿਲਸ਼ਨ ਮਸੀਹ, ਮੁਸਤਾਨ ਮਸੀਹ, ਕਾਮਰੇਡ ਮੇਜਰ ਸਿੰਘ ਭਿਖੀਵਿੰਡ, ਕਾਮਰੇਡ ਬਲਵਿੰਦਰ ਸਿੰਘ ਭਿਖੀਵਿੰਡ, ਕਾਮਰੇਡ ਚਰਨਜੀਤ ਸਿੰਘ ਪੂਹਲਾਂ, ਪੀਪਲਜ਼ ਪਾਰਟੀ ਦੇ ਸੁਖਰਾਜ ਸਿੰਘ ਬੀ. ਏ., ਅਮਰੀਕ ਸਿੰਘ ਮਾਨ ਧੁੰਨ, ਸਰਪੰਚ ਜਸਵਿੰਦਰ ਸਿੰਘ ਡਲੀਰੀ, ਸਰਪੰਚ ਪ੍ਰਕਾਸ਼ ਸਿੰਘ ਸੁਰਸਿੰਘ, ਕਾਮਰੇਡ ਕਸ਼ਮੀਰ ਸਿੰਘ ਸਿਧਵਾਂ, ਕਾਮਰੇਡ ਹਰਿੰਦਰ ਸਿੰਘ ਮਾੜੀਮੇਘਾ, ਹਰਪ੍ਰੀਤ ਸਿੰਘ ਹੈਪੀ, ਕਾਮਰੇਡ ਚਾਨਣ ਸਿੰਘ ਪਹਿਲਵਾਨਕੇ ਤੋਂ ਇਲਾਵਾ ਪੀਪਲਜ਼ ਪਾਰਟੀ ਦੇ ਮਨਿੰਦਰਪਾਲ ਸਿੰਘ ਪਲਾਸੌਰ, ਵਿਜੈਪਾਲ ਸਿੰਘ ਚੌਧਰੀ, ਜਥੇਦਾਰ ਹਰਦਿਆਲ ਸਿੰਘ ਮਾੜੀਮੇਘਾ ਆਦਿ ਵੱਡੀ ਗਿਣਤੀ ਵਿਚ ਇਲਾਕੇ ਦੇ ਮਸੀਹ ਭਾਈਚਾਰੇ ਨਾਲ ਸਬੰਧਿਤ ਲੋਕ ਵੀ ਹਾਜ਼ਰ ਸਨ।

Tags: ,

Leave a Reply

*

Copyright © 2009 SupportManpreetBadal.com. All rights reserved.